Икона Богородицы Скоропослушница: акафист, молитвы, история

К Богоро́дице притеце́м, су́щии в беда́х,/ и святе́й ико́не Ея́ ны́не припаде́м,/ с ве́рою зову́ще из глубины́ души́:/ ско́ро на́ше услы́ши моле́ние, Де́во,/ я́ко Скоропослу́шница наре́кшаяся,/ Тебе́ бо раби́ Твои́ в ну́ждах// гото́вую Помо́щницу и́мамы.

Перевод: К Богородице обратимся, находящиеся в бедах, и у святой иконы Ее сейчас преклоним колени, с верой взывая из глубины души: «Поскорее услышь нашу молитву, Дева, так как зовешься Скоропослушницей, поскольку Ты быстрая Помощница в скорбях для рабов Твоих».

В мо́ри жите́йстем обурева́емии,/ треволне́нию подпа́даем страсте́й и искуше́ний./ Пода́ждь у́бо нам, Госпоже́, ру́ку по́мощи, я́коже Петро́ви Сын Твой,/ и ускори́ от бед изба́вити ны, да зове́м Ти:// ра́дуйся, всеблага́я Скоропослу́шнице.

Перевод: В бурном море житейском мы попадаем в штормы страстей и искушений. Подай же нам, Госпожа, руку помощи, как Петру Сын Твой (Мф.14:28-31), и поспеши от бед избавить нас, да взываем к Тебе: «Радуйся, всеблагая Скоропослушница».

Преблагослове́нная Влады́чице, Присноде́во Богоро́дице, Бо́га Сло́ва па́че вся́каго сло́ва на спасе́ние на́ше ро́ждшая, и благода́ть Его́ преизоби́льно па́че всех прия́вшая, мо́ре я́вльшаяся Боже́ственных дарова́ний и чуде́с приснотеку́щая река́, излива́ющая бла́гость всем, с ве́рою к Тебе́ прибега́ющим! Чудотво́рному Твоему́ о́бразу припа́дающе, мо́лимся Тебе́, всеще́дрей Ма́тери Человеколюби́ваго Влады́ки: удиви́ на нас пребога́тыя ми́лости Твоя́, и проше́ния на́ша, приноси́мыя Тебе́, Скоропослу́шнице, ускори́ испо́лнити, все, е́же на по́льзу во утеше́ние и спасе́ние коему́ждо устроя́ющи. Посети́, Преблага́я, рабы́ Твоя́ благода́тию Твое́ю, пода́ждь неду́гующим цельбу́ и соверше́нное здра́вие, обурева́емым тишину́, плене́нным свобо́ду и разли́чными о́бразы стра́ждущих уте́ши, изба́ви, всеми́лостивая Госпоже́, всяк град и страну́ от гла́да, я́звы, тру́са, пото́па, огня́, меча́ и ины́я ка́зни вре́менныя и ве́чныя, Ма́терним Твои́м дерзнове́нием отвраща́ющи гнев Бо́жий: и душе́внаго разслабле́ния, обурева́ния страсте́й и грехопаде́ний свободи́ рабы́ Твоя́, я́ко да непреткнове́нно во вся́ком благоче́стии пожи́вше в сем ве́це, и в бу́дущем ве́чных благ сподо́бимся благода́тию и человеколю́бием Сы́на Твоего́ и Бо́га, Ему́же подоба́ет вся́кая сла́ва, честь и поклоне́ние, со Безнача́льным Его́ Отце́м и Пресвяты́м Ду́хом, ны́не и при́сно, и во ве́ки веко́в. Ами́нь.

О, Пресвята́я Де́во, Ма́ти Го́спода Вы́шняго, Скоропослу́шная Засту́пнице всех, к Тебе́ с ве́рою прибега́ющих! При́зри с высоты́ небе́снаго вели́чия Своего́ на мене́ непотре́бнаго, припа́дающаго к ико́не Твое́й, услы́ши ско́ро смире́нную моли́тву мене́ гре́шнаго и принеси́ ю́ к Сы́ну Своему́: умоли́ Его́, да озари́т мра́чную ду́шу мою́ све́том Боже́ственныя благода́ти Своея́ и очи́стит ум мой от по́мыслов су́етных, да успоко́ит стра́ждущее мое́ се́рдце и исцели́т ра́ны его́, да вразуми́т мя на до́брая дела́ и укрепи́т рабо́тати Ему́ со стра́хом, да прости́т вся соде́янная мно́ю зла́я, да изба́вит ве́чныя му́ки и не лиши́т Небе́снаго Своего́ Ца́рствия. О Преблагослове́нная Богоро́дице: Ты благоизво́лила еси́ нарещи́ся во о́бразе Свое́м Скоропослу́шница, повелева́ющи всем притека́ти к Тебе́ с ве́рою: не пре́зри у́бо мене́ ско́рбнаго и не попусти́ поги́бнути мне в бе́здне грехо́в мои́х. На Тя по Бо́зе все мое́ упова́ние и наде́жда спасе́ния, и Твоему́ покро́ву и предста́тельству поруча́ю себе́ во ве́ки. Ами́нь.

Канон Пресвятой Богородице перед иконой «Скоропослушница»

Минея, 9 Ноября, Кано́н пе́рвый

Песнь 1

Ирмос: Во́ду проше́д, я́ко су́шу,/ и еги́петскаго зла избежа́в,/ изра́ильтянин вопия́ше:/ Изба́вителю и Бо́гу на́шему пои́м.

Ирмос: По воде пройдя, как по суше, / и египетского развращения избежав, / израильтянин взывал: / «Избавителю и Богу нашему воспоем!»

Припев: Пресвята́я Богоро́дице, спаси́ на́с.

Припев: Пресвятая Богородица, спаси нас.

Чуде́с Твои́х Боже́ственных мно́жество благохвали́ти предпринима́я,/ Тя молю́, Де́во, от се́рдца, Скоропослу́шнице,/ благода́ть пода́ждь ми.

Чудес Твоих Божественных множество / восхвалить намереваясь, / молю Тебя, Дева, от сердца: / «Скоропослушница, благодать подай мне!»

Припев: Пресвята́я Богоро́дице, спаси́ на́с.

Кто не изуми́тся Твоего́ о́браза чудесе́м, Де́во?/ От него́ бо служи́телю трапе́зы возгласи́ла еси́ три́жды,/ Скоропослу́шница наре́кшися.

Кто не изумится / чудесам Твоего образа, Дева? / Ибо от него служителю трапезы возгласила трижды / Ты, Скоропослушницею нареченная.

Сла́ва Отцу́ и Сы́ну и Свято́му Ду́ху.

Ка́ко чудодея́ние Твое́ изрещи́ возмогу́, Отрокови́це?/ Ты бо пре́жде непоко́рнаго и́нока безо́чна соде́лала еси́/ и па́ки сего́ устро́ила еси́ ви́дяща.

Слава: Как чудотворение Твое / выразить смогу, Отроковица? / Ибо Ты прежде непокорного инока слепотою наказала / и вновь ему возвратила зрение.

И ны́не и при́сно и во ве́ки веко́в. Ами́нь.

Ра́дуйся, свяще́нная оби́тель Дохиа́рская:/ ты бо и́маши всех Госпожу́ Предста́тельницу и покро́в,/ я́коже Сама́ Она́ я́сно возвести́.

И ныне: Радуйся, священная обитель Дохиарская: / ибо ты имеешь всех Госпожу / Заступницей и покровом, / как Сама Она ясно возвестила.

Песнь 3

Ирмос: Небе́снаго кру́га Верхотво́рче, Го́споди,/ и Це́ркве Зижди́телю,/ Ты мене́ утверди́ в любви́ Твое́й,/ жела́ний кра́ю, ве́рных утвержде́ние,/ Еди́не Человеколю́бче.

Ирмос: Небесного свода Создатель, Господи, / и Церкви Строитель, / Ты меня утверди в любви к Тебе, / предел желаний, верных утверждение, / единый Человеколюбец.

Припев: Пресвята́я Богоро́дице, спаси́ на́с.

Безча́дных благоча́дных Ты, Ма́рие, показа́ла еси́/ и непло́дных жен соде́лала еси́, Скоропослу́шнице, веселя́щихся о ча́дех./ Кто у́бо не изуми́тся, Де́во, вели́чию Твоему́?

Бездетных многодетными явила Ты, Мария, / и неплодных жен соделала, Скоропослушница, / веселящимися о чадаx. / Кто же не изумится, Дева, величию Твоему?

Припев: Пресвята́я Богоро́дице, спаси́ на́с.

Булга́рия пропове́дует Твоего́ о́браза чудеса́, о Скоропослу́шнице,/ восто́к же и за́пад./ Исто́чник бо соде́лалася еси́,/ точа́щий благода́ти всем призыва́ющим и́мя Твое́.

Болгария проповедует / Твоего образа чудеса, о Скоропослушница, / восток же и запад. / Ибо соделалась Ты источником, изливающим благодать / всем, кто имя Твое призывает.

Сла́ва Отцу́ и Сы́ну и Свято́му Ду́ху.

Ра́ка боле́знь от руки́ исчеза́ет честны́я жены́, Де́во, посеще́нием Твои́м,/ те́мже стра́ждущая, от неду́га свободи́вшися,/ ра́дующися, пропове́да благода́рственная.

Слава: Болезнь рака исчезает с руки благочестивой жены / посещением Твоим, Дева, / потому страждущая, от недуга освободившись, / с радостью провозгласила благодарения.

И ны́не и при́сно и во ве́ки веко́в. Ами́нь.

Чу́дно украси́ся ико́на Твоя́, Скоропослу́шнице,/ и па́че луче́й со́лнечных освеща́ет всех благода́тию Твое́ю, Пречи́стая./ Кто у́бо не восхва́лит Тя, на Небеси́ и на земли́ сла́вимую.

И ныне: Чудно украсилась икона Твоя, Скоропослушница, / и ярче лучей солнечных освещает всех / благодатию Твоею, Пречистая. / Кто же не восхвалит Тебя, / на небесах и на земле славимую!

Седален, глас 8

Влады́чицу Тя ми́ра ве́мы, Мари́е Всепе́тая,/ я́ко родила́ еси́ нам всех Творца́, Спаси́теля ми́ра,/ И́же и просла́ви Тебе́, Пречи́стую Ма́терь Свою́,/ подая́ Тобо́ю благода́ть и ми́лость чту́щим Тя/ и моля́щимся Тебе́, Богоро́дице.

Владычицу мира мы знаем Тебя, / Мария Всехвальная, / ибо Ты родила нам всех Творца, Спасителя мира. / Он и прославил Тебя, Пречистую Матерь Свою, / подавая чрез Тебя благодать и милость чтущим Тебя / и молящимся Тебе, Богородица.

Песнь 4

Ирмос: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Ирмос: Услышал я, Господи, / о таинстве Твоего промысла, / уразумел дела Твои, / и прославил Твоё Божество.

Припев: Пресвята́я Богоро́дице, спаси́ на́с.

Во всех конце́х чудотво́рный Твой о́браз просла́вися,/ и ны́не вси уста́ми Скоропослу́шницу произно́сят.

Во всех концах земли / чудотворный образ Твой прославился, / и ныне всех уста Скоропослушницу призывают.

Припев: Пресвята́я Богоро́дице, спаси́ на́с.

И во сне, Всецари́це, и я́ве, Скоропослу́шнице, явля́яся,/ чудеса́ соверша́еши в ми́ре пресла́вная.

И во сне, и наяву являясь, / Ты всех Царица, Скоропослушница, / совершаешь в мире преславные чудеса.

Сла́ва Отцу́ и Сы́ну и Свято́му Ду́ху.

Кто Твое́, Де́во, и́мя в нужде́ вся́кой призыва́ше,/ и ско́ро того́ не услы́шала еси́, я́ко Скоропослу́шница су́щая?

Слава: Кто Твое, имя Дева, / призывал в какой-либо нужде / и не был Тобою услышан скоро? / Ибо Ты – истинная Скоропослушница.

И ны́не и при́сно и во ве́ки веко́в. Ами́нь.

Блаже́нна еси́ Дохиа́рская оби́тель сла́вная,/ ико́ною бо обогати́лася еси́ Скоропослу́шницы всечестно́ю.

И ныне: Блаженна Дохиарская обитель славная, / ибо обогатилась ты всесвященною / иконою Скоропослушницы.

Песнь 5

Ирмос: Просвети́ нас повеле́нии Твои́ми, Го́споди,/ и мы́шцею Твое́ю высо́кою/ Твой ми́р пода́ждь нам, Человеколю́бче.

Ирмос: Просвети нас повелениями Твоими, Господи, / и рукою Твоею вознесенною / Твой мир подай нам, Человеколюбец.

Припев: Пресвята́я Богоро́дице, спаси́ на́с.

Ка́ко на Твой пречи́стый о́браз/ аз, недосто́йный, воззрю́, Скоропослу́шнице,/ нечи́стыми очесы́ мои́ми!

Как я, недостойный, воззрю / на Твой пречистый образ, Скоропослушница, / нечистыми очами моими?

Припев: Пресвята́я Богоро́дице, спаси́ на́с.

Мо́ре и земля́, Всецари́це,/ Твоея́ ико́ны чудеса́ пропове́дуют:/ Твои́х бо благода́тей сия́ обоя́ наслади́шася.

Море и земля, Царица всех, / о чудесах Твоей иконы провозглашают: / ибо благодатными Твоими дарами / они вместе насладились.

Сла́ва Отцу́ и Сы́ну и Свято́му Ду́ху.

Та́тя явля́еши, пе́нязи похи́тивша бли́жняго, Матероде́во,/ и возвраща́еши пра́ведно сия́ иму́щему.

Слава: Вора Ты изобличаешь, / похитившего деньги ближнего, / и их возвращаешь, Матерь-Дева, / кому они принадлежат по справедливости.

И ны́не и при́сно и во ве́ки веко́в. Ами́нь.

Что воздади́м Тебе́, Всеблага́я, за благода́ть мно́гую,/ ю́же яви́ла еси́ нам,/ дарова́в ико́ну Твою́, бога́тство свяще́нное.

И ныне: Чем воздадим Тебе, Всеблагая, / за благодать великую, которую Ты явила нам, / даровав икону Твою, богатство священное!

Песнь 6

Ирмос: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ исполни́ся/ и живо́т мой а́ду прибли́жися,/ и молю́ся, я́ко Ио́на:/ от тли, Бо́же, возведи́ мя.

Ирмос: Я пролью молитву к Господу / и Ему возвещу печали мои, / ибо зол душа моя преисполнилась / и жизнь моя ко аду приблизилась, / и молюсь я, как Иона: / «От погибели, Боже, изведи меня!»

Припев: Пресвята́я Богоро́дице, спаси́ на́с.

Яко любвеоби́льная Ма́терь я́вльшися, призыва́ла еси́ о́трока к Себе́,/ до́ндеже изба́вила еси́ от руки́ разбо́йников, Матероде́во./ Но да обрете́м Тя и мы, Ма́терь любвеоби́льную!

Как любвеобильная Матерь Ты, явившись, / призывала отрока к Себе, / доколе не избавила его от рук разбойников, Матерь-Дева. / Но да обретем и мы в Тебе / Матерь любвеобильную!

Припев: Пресвята́я Богоро́дице, спаси́ на́с.

Не и́мамы раби́ Твои́ ино́го, ра́зве Тебе́, предста́тельства и покро́ва./ Те́мже, Чи́стая, от се́рдца вопие́м:/ вся́кия беды́ свободи́ ста́до Твое́/ и ве́рных, к Тебе́ прибега́ющих.

Не имеем мы, рабы Твои / иного кроме Тебя, заступничества и покрова. / Потому, Чистая, от всего сердца взываем: / освободи от всякой беды стадо Твое / и верных, к Тебе прибегающих.

Сла́ва Отцу́ и Сы́ну и Свято́му Ду́ху.

Я́коже спасла́ еси́ от морски́я бу́ри призва́вших Боже́ственное и́мя Твое́,/ та́ко и нас от чу́вственнаго круше́ния и мы́сленнаго, Де́во, спаси́/ и в ти́хия приста́нища спасе́ния упра́ви.

Слава: Как спасла Ты от морской бури / призвавших Божественное имя Твое, / так и нас, Дева, от крушения чувственного и мысленного спаси / и направь в тихие пристани спасения.

И ны́не и при́сно и во ве́ки веко́в. Ами́нь.

Мир Тя прибе́жище стяжа́ и спасе́ние;/ тем, Чи́стая, к честне́й Твое́й ико́не отвсю́ду притека́ют лю́дие,/ и вси ско́ро их слу́шающую обрета́ют Тя.

И ныне: Мир в Тебе прибежище и спасение стяжал; / потому, Чистая, к почитаемой Твоей иконе / отовсюду люди притекают / и все скоро слушающей их обретают Тебя.

Кондак, глас 8

В мо́ри жите́йстем обурева́емии,/ треволне́нию подпа́даем страсте́й и искуше́ний./ Пода́ждь у́бо нам, Госпоже́, ру́ку по́мощи, я́коже Петро́ви Сын Твой,/ и ускори́ от бед изба́вити ны, да зове́м Ти:/ ра́дуйся, Всеблага́я Скоропослу́шнице.

В море житейском бурею носимые, / мы подпадаем треволнению страстей и искушений. / Подай же нам, Госпожа, руку помощи, как Сын Твой Петру, / и поспеши от бед избавить нас, да взываем Тебе: / «Радуйся, Всеблагая Скоропослушница!»

Икос

Иде́же осени́т благода́ть Твоя́, Влады́чице,/ та́мо неду́жнии здра́ви быва́ют, бе́дствующии во благополу́чие прихо́дят,/ и всяк скорбя́щий ра́дости исполня́ется./ Те́мже благода́тию Твое́ю осени́ и нас, сицева́я ра́достная Тебе́ глаго́лющих:/ ра́дуйся, Богоблагода́тная, Непристу́пнаго Божества́ селе́ние;/ ра́дуйся, свята́я трапе́зо, хле́бом жи́зни нас снабдева́ющая;/ ра́дуйся, ми́ро многоце́нное, облагоуха́ющее ве́рных;/ ра́дуйся, ма́слино, еле́ем милосе́рдия нас умаща́ющая;/ ра́дуйся, неистощи́мое сокро́вище даро́в;/ ра́дуйся, приснотеку́щий исто́чниче чуде́с;/ ра́дуйся, оби́димых заступле́ние;/ ра́дуйся, обурева́емых благоути́шное приста́нище;/ ра́дуйся, глухи́х слы́шание и све́те слепы́х;/ ра́дуйся, разсла́бленных укрепле́ние;/ ра́дуйся, свобожде́ние плене́нных;/ ра́дуйся, ми́ра всего́ упова́ние;/ ра́дуйся, Всеблага́я Скоропослу́шнице.

Икос: Где осенит благодать Твоя, Владычица, / там недужные здравыми бывают, / бедствующие к благополучию приходят, / и всякий скорбящий радостью исполняется. / Потому благодатию Твоею осени и нас, / такие радостные слова Тебе провозглашающих: / Радуйся, Богоблагодатная, Неприступного Божества селение; / радуйся, святая трапеза, Хлебом жизни нас оделяющая; / радуйся, мvро многоценное, благоуханием исполняющее верных; / радуйся, маслина, елеем милосердия нас умащающая; / радуйся, неистощимое сокровище даров; / радуйся, неиссякающий источник чудес; / радуйся, обижаемых защита; / радуйся, носимых бурею тихое пристанище; / радуйся, глухих слух и свет слепых; / радуйся, расслабленных укрепление; / радуйся, освобождение плененных; / радуйся, всего мира упование; / радуйся, всеблагая Скоропослушница!

Песнь 7

Ирмос: От Иуде́и доше́дше, о́троцы/ в Вавило́не иногда́/ ве́рою Тро́йческою пла́мень пе́щный попра́ша, пою́ще:/ отце́в Бо́же, благослове́н еси́.

Ирмос: Из Иудеи пришедшие юноши / в Вавилоне некогда / верою в Троицу попрали пламя печи, воспевая: / «Боже отцов наших, благословен Ты!»

Припев: Пресвята́я Богоро́дице, спаси́ на́с.

Слепы́м дарова́ла еси́ де́йствие очесе́м, Де́во, е́же ви́дети,/ но и на́ша зе́ницы души́ и телесе́ просвети́,/ да пое́м при́сно вели́чия Твоя́.

Очам слепых Ты, Дева, даровала способность видеть, / но и нам взоры души и тела просвети / дабы мы всегда воспевали / Твое величие.

Припев: Пресвята́я Богоро́дице, спаси́ на́с.

Глухи́м слы́шание дарова́ла еси́, Мари́е Скоропослу́шнице,/ но и нас всех отве́рзи ушеса́ души́ и телесе́,/ я́ко да пое́м при́сно вели́чия Твоя́.

Глухим слух Ты даровала, / Мария Скоропослушница, / но и нам всем открой уши души и тела, / дабы мы всегда воспевали / Твое величие.

Сла́ва Отцу́ и Сы́ну и Свято́му Ду́ху.

Я́коже дре́вле от пруго́в изба́вила еси́ прибе́гших к Тебе́, Пречи́стая,/ та́ко и нас от сих и вся́каго вре́да изба́ви,/ да пое́м при́сно вели́чия Твоя́.

Слава: Как некогда от саранчи / избавила Ты прибегших к Тебе, Пречистая, / так и нас от нее и от всякого вреда избавь, / дабы мы всегда воспевали / Твое величие.

И ны́не и при́сно и во ве́ки веко́в. Ами́нь.

Я́ко испра́вила еси́ пре́жде разсла́бленнаго,/ та́ко и нас, по обою́ разсла́бленных, те́плым Твои́м предста́тельством испра́ви,/ да пое́м при́сно вели́чия Твоя́.

И ныне: Как Ты укрепила прежде расслабленного, / так и нас, во всем расслабленных, / горячим Твоим заступлением укрепи, / дабы мы всегда воспевали / Твое величие.

Песнь 8

Ирмос: Царя́ Небе́снаго,/ Его́же пою́т во́и А́нгельстии,/ хвали́те и превозноси́те во вся ве́ки.

Ирмос: Царя небесного, / Которого воспевают воинства Ангелов, / воспевайте и превозносите / во все века.

Припев: Пресвята́я Богоро́дице, спаси́ на́с.

От вся́ких боле́зней, Скоропослу́шнице, нас изба́ви,/ я́коже от сих мно́гих изба́вила еси́.

От всяких болезней / избавь нас, Скоропослушница, / как Ты многих от них избавила.

Припев: Пресвята́я Богоро́дице, спаси́ на́с.

Ико́на Твоя́, Де́во, показа́ся исто́чник чуде́с,/ от него́же жа́ждущии снабдева́ются изоби́льно.

Икона Твоя, Дева, / явилась источником чудес, / из которого жаждущие / оделяются изобильно.

Сла́ва Отцу́ и Сы́ну и Свято́му Ду́ху.

Поги́бшаго Ты явля́еши, Госпоже́,/ и подае́ши ра́дость обре́тшим./ Коль мно́гая есть о́браза Твоего́ благода́ть!

Слава: Погибшего Ты живым являешь, Госпожа, / и подаешь радость его обретшим. / Сколь же велика образа Твоего благодать!

И ны́не и при́сно и во ве́ки веко́в. Ами́нь.

Повеле́нию Твоему́, Влады́чице, повиную́тся вся стихи́и,/ от ни́хже вре́да да избавля́еши Тя призыва́ющих.

И ныне: Повелению Твоему, Владычица, / повинуются все стихии; / от вредоносного действия их / избавляй Тебя призывающих.

Песнь 9

Ирмос: Вои́стинну Богоро́дицу Тя испове́дуем,/ спасе́ннии Тобо́ю, Де́во Чи́стая,/ с Безпло́тными ли́ки Тя велича́юще.

Ирмос: Истинно Богородицей Тебя исповедуем / мы, спасенные Тобою, Дева чистая, / с сонмами бесплотных Тебя величая.

Припев: Пресвята́я Богоро́дице, спаси́ на́с.

Собери́теся усе́рдно в оби́тель Боже́ственную Арха́нгелов, боля́щии:/ Врач бо в ней пребыва́ет безме́здный.

Соберитесь усердно, болящие, / в обитель Божественную Архангелов: / ибо в ней пребывает Врач безмездный.

Припев: Пресвята́я Богоро́дице, спаси́ на́с.

Свяще́нная ико́на Твоя́ друга́я показа́ся Силоа́мская купе́ль, Де́во,/ очища́ющая и целя́щая боле́зни души́ и телесе́.

Священная Твоя икона Дева, / иной купелью Силоамскою явилась, / очищающей и исцеляющей / болезни душ и телес.

Сла́ва Отцу́ и Сы́ну и Свято́му Ду́ху.

Воспламеня́ет мя раче́ние зре́ти Твоего́ о́браза благода́тную ле́поту,/ и насыще́ния не и́мам велича́ти Тя!

Слава: Воспламеняет меня любовь / взирать на Твоего образа благодатную красоту, / и не чувствую насыщения, / величая Тебя!

И ны́не и при́сно и во ве́ки веко́в. Ами́нь.

Да уви́жду Тя, Всеблага́я Скоропослу́шнице, во вре́мя сме́рти утеша́ющую мя/ и зра́ки де́монов отгоня́ющую!

И ныне: Да увижу я Тебя, / Всеблагая Скоропослушница, / в час смерти утешающую меня / и явления демонов отгоняющую!

Светилен

Зря́щии Тя ны́не на ико́не с Предве́чным Младе́нцем,/ про́сим Тебе́, Богоневе́сто:/ не лиши́ нас и в бу́дущем ве́це всеблаже́ннаго лицезре́ния Твоего́/ и воплоти́вшагося от Тебе́ Сы́на Бо́жия,/ да со благоугоди́вшими Ему́ И́мя Его́ и Твое́ велича́ем.

Видя Тебя ныне на иконе с Предвечным Младенцем / мы просим Тебя, Божия Невеста: / Не лиши нас и в будущем веке / всеблаженного лицезрения Тебя / и воплотившегося от тебя Сына Божия / дабы мы со всеми благоугодившими Ему / Его и Твое Имя величали.

Канон Пресвятой Богородице перед иконой «Скоропослушница» (2-й)

глас 4

Пе́снь 1.

Ирмо́с: Отве́рзу уста́ моя́, и напо́лнятся Ду́ха, и сло́во отры́гну Цари́це Ма́тери, и явлю́ся, све́тло торжеству́я, и воспою́, ра́дуяся, Тоя́ чудеса́.

Ма́ти Присносу́щнаго Све́та и О́тчия Прему́дрости, умудри́ неразу́мие мое́ и просвети́ мя́ на пе́ние и моли́тву пред свято́ю ико́ною Твое́ю, Скоропослу́шнице.

Обре́тшии сокро́вище ра́дуются. Те́мже и мы́, иму́ще Тя́, Всецари́це, милосе́рдия сокро́вище небе́сное и неиждива́емое, воспева́ем, ра́дующеся, Твоя́ чудеса́.

Лицу́ Твоему́, — предрече́ Дави́д, — помо́лятся бога́тии лю́дстии; исполня́ющуся сему́, вку́пе с бога́тыми и мы́, доброде́тельми убо́зии, мо́лимся Тебе́, Де́во, пред ли́ком Твои́м.

Я́коже о́чи ра́б в руку́ госпо́дий свои́х, та́ко о́чи на́ши устремле́ни су́ть к Тебе́ и к о́бразу Твоему́, Всеблага́я Влады́чице, до́ндеже уще́дриши рабы́ Твоя́.

Пе́снь 3.

Ирмо́с: Твоя́ песносло́вцы, Богоро́дице, живы́й и незави́стный Исто́чниче, ли́к Себе́ совоку́пльшия, духо́вно утверди́, в боже́ственней Твое́й сла́ве, венце́в сла́вы сподо́би.

Воззри́ Твои́ми очесы́, Мари́е, и ви́ждь благоутро́бно пред ико́ною Твое́ю предстоя́щих и Тя́ с ве́рою призыва́ющих, и услы́ши си́х, Скоропослу́шнице.

Кре́пость да́руй на́м, Чи́стая, да твори́м во́лю Сы́на Твоего́ со стра́хом и любо́вию, укрепля́еши бо рабы́ Твоя́ я́ко Ма́терь Всеси́льнаго Бо́га на́шего.

Страстьми́ бори́мии и неви́димыми се́ятелями зо́л, при́сно нужда́емся в Твое́й, Влады́чице, необори́мой по́мощи, ея́же не лиши́ на́с, Богоблагода́тная.

Спаси́тельный щи́т пода́ждь на́м, Госпоже́, Твое́ держа́вное заступле́ние, и́мже началозло́бнаго побежда́юще кова́рства, венце́в сла́вы сподо́бимся.

Катава́сия: Твоя́ песносло́вцы, Богоро́дице, живы́й и незави́стный Исто́чниче, ли́к Себе́ совоку́пльшия, духо́вно утверди́, в боже́ственней Твое́й сла́ве, венце́в сла́вы сподо́би.

Седа́лен:

Влады́чицу Тя́ ми́ра ве́мы, Мари́е Всепе́тая, я́ко родила́ еси́ на́м все́х Творца́, Спаси́теля ми́ра, И́же и просла́ви Тебе́, Пречи́стую Ма́терь Свою́, подая́ Тобо́ю благода́ть и ми́лость чту́щим Тя́ и моля́щимся Тебе́, Богоро́дице.

Пе́снь 4.

Ирмо́с: Седя́й в сла́ве на Престо́ле Божества́ во о́блаце ле́гце, прии́де Иису́с Пребоже́ственный, Нетле́нною Дла́нию и спасе́ зову́щия: сла́ва, Христе́, си́ле Твое́й.

Припа́дая ко святе́й ико́не Твое́й, Де́во, вопию́ Ти́ от се́рдца сокруше́нна: не попусти́ ми́ поги́бнути, Всеми́лостивая Госпоже́, житие́ мое́ во гресе́х ижди́вшему.

Грехолюби́в сы́й, удали́хся, Влады́чице, Сы́на Твоего́, и лише́н е́смь дерзнове́ния к Нему́. Те́мже к покая́нию мя́ напра́вив, сподо́би получи́ти, е́же погуби́х.

Богоизбра́нная Отрокови́це, в руне́ ороше́нном предви́денная, окропи́ росо́ю благода́ти изсо́хшую зе́млю се́рдца моего́ и благопло́дну соде́лай ду́шу мою́.

Ра́дуйся, Богоневе́сто, доброде́тельми, я́ко ря́сны златы́ми, преукра́шенная; ра́дуйся, сосу́де ми́ра, и́мже врачу́ются зову́щии: сла́ва, Христе́, си́ле Твое́й.

Пе́снь 5.

Ирмо́с: Ужасо́шася вся́ческая о Боже́ственней сла́ве Твое́й: Ты́ бо, неискусобра́чная Де́во, име́ла еси́ во утро́бе над все́ми Бо́га, и родила́ еси́ Безле́тнаго Сы́на, все́м, воспева́ющим Тя́, ми́р подава́ющая.

Не́сть, Всеми́лостивая Госпоже́, такова́го, и́же бы лиши́ся щедро́т Твои́х, прибе́г с ве́рою к Твоему́ благоутро́бию. Те́мже приле́жно мо́лим Тя́: сподо́би и на́с гре́шных ми́лости Твоея́.

Умилостивле́ние о все́м ми́ре су́щая, умоли́, Де́во, Сы́на Твоего́, все́х Судию́, да не помяне́т грехо́в на́ших, и да изба́вимся Тобо́ю вся́каго преще́ния Его́, находя́щаго на лю́ди согреши́вшия.

Го́ру Твою́ и сию́ оби́тель, иму́щих о́браз Тво́й, всеблага́я Скоропослу́шнице, покры́й от вся́каго зла́, соблюда́ющи рабо́в Твои́х в едине́нии ду́ха, во вся́кой благосты́ни и и́стине.

Примири́теля вся́ческих ро́ждшая, всемо́щным предста́тельством Твои́м, Влады́чице, умиротвори́ на́с к Нему́, к бли́жним и к себе́ сами́м, я́ко воспева́ющим Тя́ ми́р подава́ющая.

Катава́сия: Ужасо́шася вся́ческая о Боже́ственней сла́ве Твое́й: Ты́ бо, неискусобра́чная Де́во, име́ла еси́ во утро́бе над все́ми Бо́га, и родила́ еси́ Безле́тнаго Сы́на, все́м, воспева́ющим Тя́, ми́р подава́ющая.

Пе́снь 6.

Ирмо́с: Боже́ственное сие́ и всечестно́е соверша́юще пра́зднество, богому́дрии, Богома́тере, прииди́те, рука́ми воспле́щим, от Нея́ ро́ждшагося Бо́га сла́вим.

Ты́ — рабо́в Твои́х утеше́ние, Всеблаже́нная; Ты́ — све́т, удобре́ние и наде́жда спасе́ния; Ты́ у́бо промышле́нием Твои́м вся́кия ну́жды и ско́рби изба́ви на́с.

Ве́дущи не́мощи на́ша, Богороди́тельнице, восполня́й духо́вную и веще́ственную ску́дость на́шу, да подаю́щаго на́м Тобо́ю вся́ блага́я Бо́га сла́вим.

Не оста́ви на́с, Всеще́драя, внегда́ оскудева́ти кре́пости на́шей, не отступи́ от упова́ющих на Тя́ во исхо́де и по исхо́де яви́ на́м бла́гости Твоея́ си́лу.

Преблагослове́нная Мари́е, кни́га Бо́жия запечатле́нная, в кни́зе живота́ ве́чнаго написа́тися на́м сподо́би, да от Тебе́ ро́ждшагося Бо́га сла́вим.

Конда́к, гла́с 8:

В мо́ри жите́йстем обурева́емии, треволне́нию подпа́даем страсте́й и искуше́ний. Пода́ждь у́бо на́м, Госпоже́, ру́ку по́мощи, я́коже Петро́ви Сы́н Тво́й, и ускори́ от бе́д изба́вити ны́, да зове́м Ти́: ра́дуйся, всеблага́я Скоропослу́шнице.

И́кос:

Иде́же осени́т благода́ть Твоя́, Влады́чице, та́мо неду́жнии здра́ви быва́ют, бе́дствующии во благополу́чие прихо́дят, и вся́к скорбя́щий ра́дости исполня́ется. Те́мже благода́тию Твое́ю осени́ и на́с, сицева́я ра́достная Тебе́ глаго́лющих: ра́дуйся, Богоблагода́тная, непристу́пнаго Божества́ селе́ние; ра́дуйся, свята́я трапе́зо, Хле́бом жи́зни на́с снабдева́ющая; ра́дуйся, ми́ро многоце́нное, облагоуха́ющее ве́рных; ра́дуйся, ма́слино, еле́ем милосе́рдия на́с умаща́ющая; ра́дуйся, неистощи́мое сокро́вище даро́в; ра́дуйся, приснотеку́щий исто́чниче чуде́с; ра́дуйся, оби́димых заступле́ние; ра́дуйся, обурева́емых благоути́шное приста́нище; ра́дуйся, глухи́х слы́шание и све́те слепы́х; ра́дуйся, разсла́бленных укрепле́ние; ра́дуйся, свобожде́ние плене́нных; ра́дуйся, ми́ра всего́ упова́ние; ра́дуйся, всеблага́я Скоропослу́шнице.

Пе́снь 7.

Ирмо́с: Не послужи́ша тва́ри богому́дрии, па́че Созда́вшаго, но, о́гненное преще́ние му́жески попра́вше, ра́довахуся, пою́ще: препе́тый отце́в Госпо́дь и Бо́г, благослове́н еси́.

Наста́внице ко спасе́нию рабо́в Твои́х, души́ трича́стное, Госпоже́, испра́ви, да благода́ти безстра́стия сподо́бльшеся, пое́м: препе́тый отце́в Госпо́дь и Бо́г, благослове́н еси́.

Жела́тельную си́лу души́ к боже́ственному раче́нию напра́ви, да то́ю Бо́га всеце́ло возлю́бим и к Нему́ при́сно стреми́мся, я́ко всеблаже́нному жела́ний кра́ю.

Я́ростную си́лу души́ помози́ на́м, Де́во, обраща́ти на неви́димыя враги́ спасе́ния на́шего и спаси́тельныя любве́ испо́лни сердца́ на́ша к бли́жним и к Бо́гу.

Слове́сное души́ к богоуго́дному созерца́нию воскрыли́, Влады́чице, богопроти́вных помышле́ний избавля́ющи, и все́х на́с благо́е мы́слити, глаго́лати и твори́ти укрепи́.

Пе́снь 8.

Ирмо́с: О́троки благочести́выя в пещи́ Рождество́ Богоро́дичо спасло́ е́сть, тогда́ у́бо образу́емое, ны́не же де́йствуемое, вселе́нную всю́ воздвиза́ет пе́ти Тебе́: Го́спода по́йте, дела́, и превозноси́те Его́ во вся́ ве́ки.

Па́жить плодоно́сну обрета́ет ста́до под Твои́м, Богома́ти, управле́нием, и душетле́ннии во́лцы не мо́щны расхи́тити слове́сных ове́ц, храни́мых благода́тию Сы́на Твоего́ и Бо́га.

Блаже́н челове́к, ему́же е́сть заступле́ние его́ от Тебе́, Богоневе́сто, при́сно бо полага́ет таковы́й восхожде́ния в се́рдце свое́м, до́ндеже у́зрит себе́ спасе́нна и воспое́т: Го́спода по́йте дела́ и превозноси́те Его́ во вся́ ве́ки.

Седмисве́щный свети́льниче, седмию́ дара́ми Ду́ха светя́щий, сподо́би и на́м украси́тися духо́вными плода́ми, да, уще́дреннии чрез Тебе́ Бо́гом, пое́м: Го́спода по́йте дела́ и превозноси́те Его́ во вся́ ве́ки.

Горо́ Бо́жия, в Не́йже благоволи́ жи́ти Бо́г, моли́ся к Нему́ о на́с, да по́мощию Его́ благо́е творя́ще, сподо́бимся узре́ти преми́рныя го́ры и та́мо пе́ти: Го́спода по́йте дела́ и превозноси́те Его́ во вся́ ве́ки.

Пе́снь 9.

Ирмо́с: Вся́к земноро́дный да взыгра́ется, Ду́хом просвеща́емь, да торжеству́ет же безпло́тных умо́в естество́, почита́ющее свяще́нное торжество́ Богома́тере, и да вопие́т: ра́дуйся, Всеблаже́нная Богоро́дице, Чи́стая Присноде́во.

Помяни́, Госпоже́, рабы́ Твоя́, любо́вию сла́вящия Тя́, услы́ши моля́щихся к Тебе́ и моли́твами Твои́ми благоуве́тлива на́м соде́лай Сы́на Твоего́ и Бо́га, зде́ и на стра́шном Суде́ Его́, Всеблаже́нная Богоро́дице, Чи́стая Присноде́во.

Ра́досте а́нгелов и челове́ков, свобо́дны на́с печа́лей жите́йских сотвори́ и хода́тайством Твои́м несконча́емых му́к изба́ви, да вре́менных и ве́чных бе́д Тобо́ю избы́вше, вопие́м: ра́дуйся, Всеблаже́нная Богоро́дице, Чи́стая Присноде́во.

Ви́димо пред о́бразом Твои́м предстоя́ще, неви́димо же к Тебе́, одесну́ю Сы́на Твоего́ стоя́щей, у́м возводя́ще, мо́лим Ти́ ся́ приле́жно: сподо́битися на́м ра́йскаго блаже́нства умоли́, Всеблаже́нная Богоро́дице, Чи́стая Присноде́во.

Блага́го Царя́ Блага́я Ма́ти, осени́ ны́ необори́мым покро́вом Твои́м, Всеблаже́нная Богоро́дице, Чи́стая Присноде́во.

Свети́лен:

Зря́щии Тя́ ны́не на ико́не с Предве́чным Младе́нцем, про́сим Тебе́, Богоневе́сто: не лиши́ на́с и в бу́дущем ве́це всеблаже́ннаго лицезре́ния Твоего́ и воплоти́вшагося от Тебе́ Сы́на Бо́жия, да со благоугоди́вшими Ему́ и́мя Его́ и Твое́ велича́ем.

Акафист Пресвятой Богородице перед иконой «Скоропослушница»

Кондак 1

Избра́нной от всех родо́в Божией Матери и Цари́це, скоропослу́шливо вне́млющей моли́твам смире́нным, и то́ки целе́бныя излива́ющей ве́рным от ико́ны Своея́ святы́я, благода́рственное прино́сим пе́ние: Ты же, всеми́лостивая Засту́пнице, преклони́ся благоутро́бно к гла́сом на́шим хвале́бным и от вся́ких бед свободи́ ны, зову́щия Ти:

Ра́дуйся, всеблага́я Скоропослу́шнице, проше́ния на́ша во бла́го исполня́ющая.

Икос 1

А́нгелов ли́цы благогове́йно Тебе́ слу́жат, и вся Небе́сныя Си́лы немо́лчными гла́сы Тя ублажа́ют, Богоро́дице Де́во, я́ко ро́ждшую а́нгелов Царя́ Христа́ Бо́га, мы же гре́шнии, подража́ти им дерза́юще и досто́йно благохвали́ти Тя недоуме́юще, смиренному́дренно вопие́м Ти:

Ра́дуйся, непристу́пнаго Божества́ селе́ние
ра́дуйся, А́нгельское непрестаю́щее удивле́ние.

Ра́дуйся, Трапе́зо свята́я, хле́бом жи́зни нас пита́ющая
ра́дуйся, ма́слино благопло́дная, еле́ем ми́лости сердца́ на́ша умаща́ющая.

Ра́дуйся, даро́в Бо́жия благода́ти сокро́вищнице неистощи́мая
ра́дуйся, чуде́с реко́ приснотеку́щая.

Ра́дуйся, оби́димых Засту́пнице
ра́дуйся, печа́льных Уте́шительнице.

Ра́дуйся, бе́дствующих Помо́щнице
ра́дуйся, боля́щих Цели́тельнице.

Ра́дуйся, разсла́бленных укрепи́тельнице
ра́дуйся, плене́нных свободи́тельнице.

Ра́дуйся, всеблага́я Скоропослу́шнице, проше́ния на́ша во бла́го исполня́ющая.

Кондак 2

Ви́дяще милосе́рдие Твое́ неисче́тное, Влады́чице, и мно́гая чудеса́, Тобо́ю явле́нная и при́сно явля́емая чрез святы́я ико́ны Твоя́, и́миже, я́ко зве́здами богосве́тлыми, весь мир христиа́нский украси́ла еси́, велича́ем Тя, возвели́чившую род наш Твои́м благоволе́нием, и с любо́вию покланя́емся пречи́стаго ли́ка Твоего́ изображе́нию, зову́ще Сы́ну Твоему́ Христу́ Бо́гу: Аллилу́иа.

Икос 2

Ра́зум небе́сный открыва́я, Богоро́дице, благоволи́ла еси́ в земно́м жре́бии Твое́м, Святе́й Горе́ Афо́нстей, мно́гими чудесы́ просла́вити ико́ну Твою́, ю́же Сама́ Скоропослу́шницею наименова́ла еси́ гла́сом Боже́ственным от нея́ изше́дшим, да вси ве́дуще таково́е Твое́ о ней благоволе́ние, пе́сненно Тебе́ вопию́т:

Ра́дуйся, милосе́рдая всех нас о Христе́ Ма́ти
ра́дуйся, Ду́ха Свята́го жили́ще.

Ра́дуйся, любве́ Бо́жия к челове́ком проявле́ние
ра́дуйся, ро́да челове́ческаго возвыше́ние.

Ра́дуйся, све́тлая пала́то Бо́га Сло́ва
ра́дуйся, свята́я святы́х бо́льшая.

Ра́дуйся, ро́ждшая Боже́ственнаго А́гнца
ра́дуйся, возрасти́вшая нам клас живота́.

Ра́дуйся, бра́шна неги́блющаго ста́мно всезлата́я
ра́дуйся, Пита́тельнице Пита́теля вселе́нныя.

Ра́дуйся, я́ко предста́тельством Твои́м спасти́ся упова́ем
ра́дуйся, я́ко моли́твами Твои́ми насле́дие небе́сное получи́ти ча́ем.

Ра́дуйся, всеблага́я Скоропослу́шнице, проше́ния на́ша во бла́го исполня́ющая.

Кондак 3

Си́лою Бо́жиею де́йствующи, неблагогове́йно ходи́вшаго пред святою Твое́ю ико́ною Дохиа́рския оби́тели трапе́заря Ни́ла слепото́ю и разслабле́нием те́ла наказа́ла еси́, Богоро́дице Де́во, да про́чее не дерза́ет оскорбля́ти Тя в пречи́стем Твое́м о́бразе, его́же в зало́г благоволе́ния Твоего́ всей Афо́нстей горе́ дарова́ла еси́ ми́лостиво, да все насе́льницы ея́ гла́сы преподо́бными вопию́т ро́ждшемуся от Тебе́ Бо́гу Сло́ву: Аллилу́иа.

Икос 3

Име́я любо́вь ве́лию к лю́дем, искупле́нным Кро́вию Сы́на Твоего́ и Бо́га, Влады́чице Всеблага́я, покая́ние трапе́заря Ни́ла ми́лостиво прия́ла еси́ и исцеле́ние ему́ от слепоты́ и разслабле́ния дарова́ла еси́, да слу́жит непреста́нно Тебе́ и моли́твы немо́лчныя прино́сит Ти пред многоцеле́бною Твое́ю ико́ною, взыва́я си́це:

Ра́дуйся, Иоаки́ма и А́нны прозябе́ние свято́е
ра́дуйся, ро́ждшая Сокруши́вшаго главу́ дре́вняго зми́я.

Ра́дуйся, Преблагослове́нная в жена́х
ра́дуйся, ро́ждшая нетле́нно Спа́са душ на́ших.

Ра́дуйся, де́вство и рождество́ чуде́сно сочета́вшая
ра́дуйся, во обою́ непоро́чно Себе́ сохра́ньшая.

Ра́дуйся, всея́ вселе́нныя ве́лие чу́до
ра́дуйся, всех родо́в земны́х удивле́ние.

Ра́дуйся, согреша́ющих исправле́ние
ра́дуйся, ка́ющихся в доброде́тели утвержде́ние.

Ра́дуйся, непамятозло́бная наказа́тельнице
ра́дуйся, благосе́рдая вразуми́тельнице.

Ра́дуйся, всеблага́я Скоропослу́шнице, проше́ния на́ша во бла́го исполня́ющая.

Кондак 4

Бу́ри жите́йския избежа́вшии и в ти́хое приста́нище спасе́ния на Го́ру́ Афо́нскую прите́кшии, обрета́ют зде утеше́ние благода́тное и по́мощь Боже́ственную от святы́я ико́ны Твоея́, Богоро́дице, от нея́же лучи́ чуде́с испуща́еши, и то́ки ми́лости Твоея́ излива́еши неоску́дно. Те́мже вси хотя́щии в пусты́нех Афо́на жа́ти спасе́ние, велича́я Ма́терния щедро́ты Твоя́, благода́рственно воспева́ют Бо́гу: Аллилу́иа.

Икос 4

Слы́шав глас Боже́ственный от святы́я ико́ны Твоея́, Влады́чице, трапеза́рь Нил позна́ Тя Скоропослу́шницу быти всем, с ве́рою и любо́вию притека́ющим к чудотво́рному Твоему́ о́бразу, и, прия́в от него́ вразумле́ние своему́ неве́жествию и прозре́ние свои́м слепо́тствующим очесе́м, возгласи́ Тебе́ благода́рственно от души́:

Ра́дуйся, вре́менным наказа́нием неве́жд умудря́ющая
ра́дуйся, согреша́ющих покая́ние ми́лостиво прие́млющая.

Ра́дуйся, на путь исправле́ния заблужда́ющихся направля́ющая
ра́дуйся, ра́ны грехо́вныя благоутро́бно врачу́ющая.

Ра́дуйся, в нераде́нии косне́ющих любвеоби́льно облича́ющая
ра́дуйся, го́рестию теле́сных страда́ний ве́чных мук избавля́ющая.

Ра́дуйся, волне́ние страсте́й утиша́ющая
ра́дуйся, руку́ по́мощи Твоея́ погиба́ющим простира́ющая.

Ра́дуйся, безнаде́жных наде́ждо
ра́дуйся, скорбя́щих отра́до.

Ра́дуйся, наги́х одея́ние
ра́дуйся, си́рых призре́ние.

Ра́дуйся, всеблага́я Скоропослу́шнице, проше́ния на́ша во бла́го исполня́ющая.

Кондак 5

Боговеща́нныя глаго́лы Твоя́ уве́девше, и́ноцы оби́тели Дохиа́рския Тебе́, Боже́ственней Скоропослу́шнице, храм сооруди́ша при трапе́зе, иде́же чудотво́рная ико́на Твоя́ пребыва́ет, Пречи́стая Де́во, и вся ве́рныя утеша́ет зна́меньми Твоея́ ми́лости, ея́же не лиши́ и нас смире́нных, по до́лгу Тебе́ воспева́ющих, и вопию́щих чуде́с Творцу́ Бо́гу: Аллилу́иа.

Икос 5

Ви́девше то́ки чуде́с, от святы́я ико́ны Твоея́ Скоропослу́шницы источа́емыя, вси и́ноцы Горы́ Афо́нския стека́хуся к ней на поклонение. Ты же, Ма́ти Бо́жия, всем, по коего́ждо потре́бе, да́ры ми́лости Твоея́ неоску́дно подава́ла еси́ от чудотво́рнаго Твоего́ о́браза, подвизая благода́рно вопи́ти Тебе́:

Ра́дуйся, Ма́ти милосе́рдия и щедро́т
ра́дуйся, одушевле́нный Престо́ле Вседержи́теля.

Ра́дуйся, Сы́ну Бо́жию плоть заимода́вшая
ра́дуйся, черто́же безсе́меннаго уневе́щения.

Ра́дуйся, Безпло́тнаго воплоти́вшая
ра́дуйся, Бо́га с челове́ки соедини́вшая.

Ра́дуйся, преподо́бных всежела́тельное зре́ние
ра́дуйся, по́стников Боже́ственное ра́дование.

Ра́дуйся, пустынножи́телей ти́хое весе́лие
ра́дуйся, и́ноков кре́пкое упова́ние.

Ра́дуйся, де́монския полки́ побежда́ющая
ра́дуйся, враги́ спасе́ния челове́ческаго посрамля́ющая.

Ра́дуйся, всеблага́я Скоропослу́шнице, проше́ния на́ша во бла́го исполня́ющая.

Кондак 6

Пропове́дует Гора́ Афо́нская ми́лости и чудеса́ Твоя́, Преблагослове́нная Ма́ти Го́спода на́шего, и све́тло красу́ется мно́гими чудотво́рными Твои́ми ико́нами, посреде́ ко́их ико́на Твоя́, Скоропослу́шница Тобо́ю нарече́нная, я́ко луна́ по́лная, луча́ми чуде́с немерца́емо сия́ет, просвеща́я ду́ши на́ша све́том Бо́жия благода́ти и подвизая нас хвале́бно взыва́ти просла́вльшему Тя Триеди́ному Бо́гу: Аллилу́иа.

Икос 6

Возсия́л еси́ в пречи́стей иконе Твое́й, Мари́е Богоро́дице, свет спасе́ния всем, блужда́ющим во тьме грехо́в и страсте́й, и сию́ нарекла́ еси́ Скоропослу́шницею, моля́щимся пред не́ю с ве́рою и благогове́нием от души́, ско́рую по́мощь Твою́ подаю́щи вопию́щим Ти такова́я:

Ра́дуйся, мо́лние, ду́ши просвеща́ющая
ра́дуйся, гро́ме, соблазня́ющия устраша́ющая.

Ра́дуйся, благооти́шное прибе́жище утомле́нных треволне́нием жите́йскаго мо́ря
ра́дуйся, небу́рное приста́нище обурева́емых волна́ми страсте́й.

Ра́дуйся, ю́ных наста́внице целому́дрия
ра́дуйся, покро́ве и огражде́ние де́вства.

Ра́дуйся, окамене́ние серде́чное умягча́ющая
ра́дуйся, хла́дность душе́вную благода́тно согрева́ющая.

Ра́дуйся, на стезю́ спасе́ния ве́рных наставля́ющая
ра́дуйся, от путе́й поги́бельных претыка́ющихся удаля́ющая.

Ра́дуйся, Спору́чнице на́ша к Сы́ну Твоему́ и Бо́гу
ра́дуйся, при́сно умоля́ющая Его́ о поми́ловании нас гре́шных.

Ра́дуйся, всеблага́я Скоропослу́шнице, проше́ния на́ша во бла́го исполня́ющая.

Кондак 7

Хотя́щи всем показа́ти любо́вь Твою́ ве́лию к христиа́нскому ро́ду, Богоро́дице Преблага́я, в жре́бий Твой земны́й Го́ру Афо́нскую избра́ла еси́ и в ней селе́ния и́ноческая умно́жила еси́, да вси обурева́емии мирско́ю суето́ю, возмо́гут обрета́ти зде ти́хое и удо́бное приста́нище ко спасе́нию, и Тобо́ю вспомоществу́еми, сподо́бятся насле́дия Небе́снаго, и пе́ти со святы́ми Пресвяте́й Тро́ице: Аллилу́иа.

Икос 7

Но́вое зна́мение милосе́рдия Твоего́ яви́ла еси́, Влады́чице, в чуде́снем прославле́нии святы́я ико́ны Твоея́ Скоропослу́шницы, не то́кмо и́ноком Горы́ Афо́нския, но и всем правосла́вным христиа́ном, в ни́хже благогове́йно че́ствуется сея́ ико́ны Твоея́ изображе́ние, да вси Тебе́ зову́т:

Ра́дуйся, Бо́га на́шего Ма́ти
ра́дуйся, в рождестве́ и по рождестве́ Де́во.

Ра́дуйся, я́ко Тя блажа́т вси ро́ди
ра́дуйся, я́ко сотвори́ Тебе́ вели́чие Си́льный.

Ра́дуйся, я́ко призре́ на смире́ние Твое́ Госпо́дь
ра́дуйся, я́ко возжеле́ добро́ты Твоея́ Царь царе́й.

Ра́дуйся, Дщи благослове́нная Отца́ Небе́снаго
ра́дуйся, Роди́тельнице неискусому́жная Сы́на Предве́чнаго.

Ра́дуйся, прия́телище непоро́чное Ду́ха Свята́го
ра́дуйся, Таи́ннице Боже́ственныя благода́ти.

Ра́дуйся, го́рняго ми́ра украше́ние
ра́дуйся, до́льняго ми́ра заступле́ние.

Ра́дуйся, всеблага́я Скоропослу́шнице, проше́ния на́ша во бла́го исполня́ющая.

Кондак 8

Стра́нники и прише́льцы есмы на земли́ и, по глаго́лу апо́стола, не и́мамы зде пребыва́ющаго гра́да, но к кому́ прибе́гнем, Влады́чице, в ско́рбех стра́нствия на́шего, а́ще не к Тебе́, Всеблага́я? Не отве́ржи нас, Ма́ти Бо́жия, не рцы нам: «Не вем вас, грехо́в ра́ди ва́ших!», но поми́луй нас, си́рых и безпомо́щных, и приими́ нас в ве́чныя кро́вы, Покрови́тельнице на́ша, да ра́достно вопие́м во сла́ве небе́сней Царю́ сла́вы Христу́: Аллилу́иа.

Икос 8

Всем ве́рным уте́шительно есть взира́ти на святу́ю ико́ну Твою́, Влады́чице, на нейже зрим Тя, на руку́ Твое́ю держа́щую Предве́чнаго Младе́нца Го́спода на́шего Иису́са Христа́, Ему́же покланя́ющеся боголе́пно, я́ко Творцу́ и Бо́гу на́шему, Тебе́, и́стинней Богоро́дице, умиле́нно глаго́лем:

Ра́дуйся, обра́дованная арха́нгельским благове́щением, Присноде́во
ра́дуйся, Неве́сто Неневе́стная.

Ра́дуйся, Ма́ти Све́та у́мнаго, всех ду́ши просвеща́ющаго
ра́дуйся, Престо́ле одушевле́нный Небесе́ и земли́ Творца́.

Ра́дуйся, кро́ткая голуби́це
ра́дуйся, непоро́чная а́гнице.

Ра́дуйся, ча́ше, че́рплющая ра́дость
ра́дуйся, неисчерпа́емый сосу́де воды́ живо́тныя.

Ра́дуйся, мирополо́жнице благоуха́ния Христо́ва
ра́дуйся, Е́юже злосмра́дие страсте́й на́ших отго́нится.

Ра́дуйся, Е́юже позна́хом Сы́на Бо́жия
ра́дуйся, Е́юже научи́хомся покланя́тися Триеди́ному Бо́гу.

Ра́дуйся, всеблага́я Скоропослу́шнице, проше́ния на́ша во бла́го исполня́ющая.

Кондак 9

Вси ро́ди блажа́т Тя по до́лгу, благослове́нная Мари́е Богоро́дице, от восто́ка бо и до за́пада хва́льно и́мя Твое́, и́ноков же ли́цы Покрови́тельницу Тя свою́ имену́ют, наипа́че подвиза́ющиеся в жре́бии Твое́м Горе́ Афо́нстей, ю́же осо́бым благоволе́нием Твои́м осени́ла еси́, мно́гая чудеса́ в ней содева́ющи, и ми́лости Твоя́ бога́тыя насе́льником ея́ явля́ющи, да благода́рно вопию́т о Тебе́ Бо́гу: Аллилу́иа.

Икос 9

Вити́и суему́дреннии недоумева́ют позна́ти та́йну Твоего́ присноде́вства, Богоро́дице, ниже́ мо́гут изъясни́ти си́лу чудотво́рную, от ико́н Твои́х проистека́ющую, во исцеле́ние неду́жных и на вся́ку по́льзу душе́вную и теле́сную челове́ком. Мы же правосла́вно и несомне́нно Присноде́вою Тя испове́дующе, ве́рно покланя́емся иконе Твое́й святе́й и вопие́м Ти си́це:

Ра́дуйся, неве́рных сомни́тельное слы́шание
ра́дуйся, ве́рных изве́стная похвало́.

Ра́дуйся, из боку́ чи́сту Христа́ нетле́нно ро́ждшая
ра́дуйся, ключи́ де́вства невреди́вшая в Рождестве́ Твое́м.

Ра́дуйся, Ма́ти и Де́во преблагослове́нная
ра́дуйся, Богоро́дице препросла́вленная.

Ра́дуйся, дев велича́ние
ра́дуйся, матере́й при́сное ра́дование.

Ра́дуйся, еди́на непоро́чная и до́брая в жена́х
ра́дуйся, ро́ждшая обетова́ннаго Сокруши́теля главы́ зми́я.

Ра́дуйся, па́дших прароди́телей осужде́ния дре́вняго изба́вльшая
ра́дуйся, Эде́м, заключе́нный челове́ком, отве́рзшая Рождество́м Твои́м.

Ра́дуйся, всеблага́я Скоропослу́шнице, проше́ния на́ша во бла́го исполня́ющая.

Кондак 10

Спасе́ние устроя́ющи христоимени́тым лю́дем, благоволи́ла еси́, Богоро́дице, земны́й жре́бий Твой, Го́ру Афо́нскую, в населе́ние и́ноком определи́ти, и рекла́ еси́ в виде́нии пе́рвому пустынножи́телю афо́нскому, преподо́бному Петру́, быти Горе́ сей в жили́ще и́ноком при́сное, обетова́нии благи́ми уте́шивши его́, я́ко бу́деши Помо́щница и Покрови́тельница всем, подвиза́ющимся в ней богоуго́дно, да́рами потре́бными их снабдева́ющи и от вся́ких бед спаса́ющи, да невозбра́нно пою́т Бо́гу: Аллилу́иа.

Икос 10

Стена́ еси́ заступле́ния, Де́во, и́ноком правосла́вным и всем подви́жником де́вства и чистоты́. Те́мже жре́бий Твой земны́й, Го́ру Афо́нскую, невхо́дну жена́м сотвори́ла еси́, да без собла́зна грехо́внаго пребыва́ют в ней и́ноцы, на Тебе́ еди́ну по Бо́зе наде́жду спасе́ния возлага́юще и Тебе́ зову́ще си́це:

Ра́дуйся, неувядаемый цве́те де́вства
ра́дуйся, кри́не се́льный чистоты́.

Ра́дуйся, светоно́сная се́не небе́сная, ревни́телей чистоты́ осеня́ющая
ра́дуйся, прему́дрости Бо́жия сви́тче, рачи́телей целому́дрия умудря́ющая.

Ра́дуйся, и́ноком благоподвиза́ющимся Хода́таице спасе́ния
ра́дуйся, пустынножи́телей Горы́ Афо́нския Покро́ве и Огражде́ние.

Ра́дуйся, ра́дость благода́тную излива́ющая в сердца́ боголюби́выя
ра́дуйся, утеше́ние духо́вное подаю́щая душа́м огорче́нным.

Ра́дуйся, младопита́тельнице дев и безма́терних сиро́т
ра́дуйся, любо́вию Жениха́ безсме́ртнаго де́вственная ликостоя́ния услажда́ющая.

Ра́дуйся, в тя́жкой борьбе́ с прираже́ниями страсте́й плотски́х кре́пкая помо́щнице
ра́дуйся, оби́телей и́ноческих неусы́пная блюсти́тельнице.

Ра́дуйся, всеблага́я Скоропослу́шнице, проше́ния на́ша во бла́го исполня́ющая.

Кондак 11

Пе́ние на́ше смире́нное, от полноты́ любве́ и усе́рдия Тебе́ приноси́мое, не пре́зри, Чи́стая, и не отврати́ся от нас, оскверне́нных мно́гими грехми́, но помози́ нам, Всеблага́я, покая́нием очи́ститися от скве́рны грехо́вныя и преуспе́ти в чи́стем и богоуго́днем житии, Тя подвигополо́жницу и помо́щницу в сем иму́ще, да возмо́жем досто́йно и пра́ведно вопи́ти ко Го́споду: Аллилу́иа.

Икос 11

Све́тлыми луча́ми чуде́с свята́я ико́на Твоя́ немерца́емо сия́ет, Богоро́дице Де́во, и ве́сь ми́р благода́тно озаря́ет, прогоня́ющи вся́кое вра́жие де́йство си́лою Бо́жиею, от нея́ исходя́щею; те́мже ра́дуемся мы́, гре́шнии, иму́ще таковы́й зало́г Твоего́ к на́м благоволе́ния, и Тебе́, Скоропослу́шнице моле́ний на́ших, благода́рственно взыва́ем:

Ра́дуйся, денни́це со́лнца незаходи́маго
ра́дуйся, заре́ дне́ невече́рняго.

Ра́дуйся, у́тро спасе́ния на́м возсия́вшая
ра́дуйся, ро́ждшая Жениха́ безсме́ртнаго ду́ш челове́ческих.

Ра́дуйся, жела́ния на́ша богоуго́дная исполня́ющая
ра́дуйся, в ско́рбех и обстоя́ниих на по́мощь к на́м благоутро́бно ускоря́ющая.

Ра́дуйся, раю́ мы́сленный, вся́каго утеше́ния духо́внаго преиспо́лненный
ра́дуйся, от исполне́ния Твоего́ и на́м ка́пли утеше́ния источа́ющая.

Ра́дуйся, зно́й страсте́й на́ших прохлажда́ющая
ра́дуйся, благода́тное безстра́стие и́щущим его́ усе́рдно подаю́щая.

Ра́дуйся, все́х в чистоте́ целому́дрия живу́щих зело́ лю́бящая
ра́дуйся, в со́ниих и виде́ниих избра́нники Бо́жия посеща́ющая.

Ра́дуйся, всеблага́я Скоропослу́шнице, проше́ния на́ша во бла́го исполня́ющая.

Кондак 12

Благода́ть Бо́жия, прису́щая святе́й иконе Твое́й, Скоропослу́шница Тобо́ю нарече́нней, Богома́ти Влады́чице, влече́т к ней всех скорбя́щих и обремене́нных, и нетщи́ отхо́дят они́ от сего́ исто́чника Твои́х ми́лостей и щедро́т: в ско́рбех отра́ду, в напа́стех защи́ту, в боле́знех цельбу́ неоску́дно получа́я от чудотво́рнаго о́браза Твоего́, Всеблага́я, и благода́рственно вопию́т благи́х пода́телю Бо́гу: Аллилу́иа.

Икос 12

Пою́ще чудеса́ Твоя́, Влады́чице, и ве́лию ми́лость Твою́ к христиа́нскому ро́ду, ве́мы, я́ко недово́льни есмы к досто́йному прославле́нию Тебе́, Честне́йшей Херуви́м и Сла́внейшей без сравне́ния Серафи́м, оба́че наде́ющеся на безприкла́дное милосе́рдие Твое́, Всеблага́я, смиренному́дренно прино́сим Ти пе́сни таковы́я:

Ра́дуйся, приста́нище небу́рное подви́жников благоче́стия
ра́дуйся, безмо́лвствующих сла́дкая собесе́днице.

Ра́дуйся, в пусты́нех и гора́х скита́ющихся благода́тная отра́до
ра́дуйся, та́йных среди́ ми́ра рабо́в Бо́жиих та́йное вразумле́ние.

Ра́дуйся, гре́шников ка́ющихся с Бо́гом примире́ние
ра́дуйся, Горы́ Афо́нския верхо́вная Прави́тельнице.

Ра́дуйся, Петра́ пустыннолюби́ваго посеще́нием Твои́м зде озари́вшая
ра́дуйся, Афана́сиа богому́драго явле́нием Твои́м облагода́тствовавшая.

Ра́дуйся, мно́гия преподо́бныя Афо́нския сла́вою небе́сною просла́вльшая
ра́дуйся, насе́льником Горы́ сея́ осо́бую любо́вь Твою́ явля́ющая.

Ра́дуйся, теле́с на́ших безме́здная Цели́тельнице
ра́дуйся, душ на́ших к Ца́рствию Го́рнему Путеводи́тельнице.

Ра́дуйся, всеблага́я Скоропослу́шнице, проше́ния на́ша во бла́го исполня́ющая.

Кондак 13

О, Всепе́тая Ма́ти, Скоропослу́шницею наре́кшаяся во святе́й иконе Твое́й, Богоро́дице Мари́е! Приими́ ми́лостивно сие́ ма́лое моле́ние на́ше, е́же от усе́рдия на́шего принесо́хом Ти с ве́рою и любо́вию, и умоли́ приснопокланя́емую Тро́ицу изба́вити ны гее́нны о́гненныя, тьмы несвети́мыя и муче́ния ве́чнаго: да предста́тельством Твои́м унасле́дим Ца́рствие Небе́сное, и сподо́бимся со святы́ми пе́ти Бо́гу: Аллилу́иа.

[Се́й конда́к глаго́лется три́жды.]
[Далее повторяем 1‑е икос и кондак:]

Икос 1

А́нгелов ли́цы благогове́йно Тебе́ слу́жат, и вся Небе́сныя Си́лы немо́лчными гла́сы Тя ублажа́ют, Богоро́дице Де́во, я́ко ро́ждшую а́нгелов Царя́ Христа́ Бо́га, мы же гре́шнии, подража́ти им дерза́юще и досто́йно благохвали́ти Тя недоуме́юще, смиренному́дренно вопие́м Ти:

Ра́дуйся, непристу́пнаго Божества́ селе́ние
ра́дуйся, А́нгельское непрестаю́щее удивле́ние.

Ра́дуйся, Трапе́зо свята́я, хле́бом жи́зни нас пита́ющая
ра́дуйся, ма́слино благопло́дная, еле́ем ми́лости сердца́ на́ша умаща́ющая.

Ра́дуйся, даро́в Бо́жия благода́ти сокро́вищнице неистощи́мая
ра́дуйся, чуде́с реко́ приснотеку́щая.

Ра́дуйся, оби́димых Засту́пнице
ра́дуйся, печа́льных Уте́шительнице.

Ра́дуйся, бе́дствующих Помо́щнице
ра́дуйся, боля́щих Цели́тельнице.

Ра́дуйся, разсла́бленных укрепи́тельнице
ра́дуйся, плене́нных свободи́тельнице.

Ра́дуйся, всеблага́я Скоропослу́шнице, проше́ния на́ша во бла́го исполня́ющая.

Кондак 1

Избра́нной от всех родо́в Божией Матери и Цари́це, скоропослу́шливо вне́млющей моли́твам смире́нным, и то́ки целе́бныя излива́ющей ве́рным от ико́ны Своея́ святы́я, благода́рственное прино́сим пе́ние: Ты же, всеми́лостивая Засту́пнице, преклони́ся благоутро́бно к гла́сом на́шим хвале́бным и от вся́ких бед свободи́ ны, зову́щия Ти:

Ра́дуйся, всеблага́я Скоропослу́шнице, проше́ния на́ша во бла́го исполня́ющая.

Моли́тва

Преблагослове́нная Влады́чице, Присноде́во Богоро́дице, Бо́га Сло́ва па́че вся́каго сло́ва на спасе́ние на́ше ро́ждшая, и благода́ть Его́ преизоби́льно па́че всех прия́вшая, мо́ре я́вльшаяся Боже́ственных дарова́ний и чуде́с приснотеку́щая река́, излива́ющая благода́ть всем, с ве́рою к Тебе́ прибега́ющим! Чудотво́рному Твоему́ о́бразу припа́дающе, мо́лимся Тебе́, всеще́дрей Матери человеколюби́ваго Влады́ки: удиви́ на нас пребога́тыя ми́лости Твоя́, и проше́ния на́ша, приноси́мая Тебе́, Скоропослу́шнице, ускори́ испо́лнити все, е́же на по́льзу во утеше́ние и спасе́ние, коему́ждо устроя́ющи. Посети́, Преблага́я, рабы́ Твоя́ благода́тию Твое́ю, пода́ждь неду́гующим цельбу́ и соверше́нное здра́вие, обурева́емым тишину́, плене́нным свобо́ду и разли́чными о́бразы стра́ждущих уте́ши; изба́ви Всеми́лостивая Госпоже́, всяк град и страну́ от гла́да, я́звы, тру́са, пото́па, огня́, меча́ и ины́я ка́зни вре́менныя и ве́чныя, Ма́терним Твои́м дерзновением отвраща́ющи гнев Бо́жий; и душе́внаго разслабле́ния, обурева́ния страсте́й и грехопаде́ний свободи́ рабы́ Твоя́, я́ко да непреткнове́нно, во вся́ком благоче́стии пожи́вше в сем веце, и в бу́дущем ве́чных благ сподо́бимся благода́тию и человеколю́бием Сы́на Твоего́ и Бо́га, Ему́же подоба́ет всякая сла́ва, честь и поклонение, со Безнача́льным Его́ Отце́м и Пресвятым Ду́хом, ны́не и при́сно и во ве́ки веко́в. Ами́нь.

 

История Иконы Божией Матери «Скоропослушница»

Это древний чудотворный образ находится на Святой Горе Афон, в монастыре Дохиар. Согласно монастырскому преданию, икона была написана в X веке, ещё при жизни настоятеля обители преподобного Неофита.

В 1664 году трапезарь обители по имени Нил шёл ночью в трапезную с горящей лучиной. Проходя мимо иконы Богородицы, которая висела над дверью, он услышал голос, который предупредил его больше не ходить здесь с открытым огнём и не коптить святой образ. Монах решил, что это чья-то шутка, не придал значения услышанному и продолжил ходить с коптящей лучиной. Внезапно он полностью ослеп.

В глубоком раскаянии Нил встал на колени перед иконой и со слезами молил о прощении. Тогда он снова услышал благодатный голос: Пресвятая Богородица возвестила о прощении, возвращении зрения и повелела объявить всей братии:

«Отныне эта икона Моя будет именоваться «Скоропослушница», ибо всем, кто с верою прибегает ко Мне, Я буду быстро являть милость и исполнять прошения».

С тех пор и до наших дней Пречистая Дева исполняет Своё обещание и скоропослушно подаёт помощь и утешение всем, кто обращается к Ней с верой.

На Руси списки с этой чудотворной афонской иконы всегда пользовались особой любовью и глубоким почитанием. Многие из них прославились многочисленными чудесами, особенно исцелениями от падучей болезни и беснования.

В 1938 году монастырь Дохиар преподнёс в дар Русской Духовной Миссии в Иерусалиме точный список с чудотворной иконы «Скоропослушница».

В Россию копии иконы в большом количестве начали поступать с Афона в XIX веке. Они сразу же снискали всенародную любовь и почитание. Многие списки прославились чудесами, в первую очередь исцелениями от эпилепсии и одержимости. Хотя списков было очень много, ниже приведены лишь самые известные и прославленные из них:

• список в афонской часовне во имя святого великомученика Пантелеимона у Владимирских ворот Китай-города в Москве;

• Елеонский список, находящийся в правом приделе Спасо-Вознесенского храма Елеонской женской обители в Иерусалиме;

• Невская «Скоропослушница» — в Свято-Троицком соборе Александро-Невской лавры;

• список в храме Архангела Гавриила Антиохийского патриаршего подворья в Москве.